தமிழ்நாடு NFTCL மாநிலச் செயற்குழு முடிவுகள்:
30/12/19 ல் கோவையில் நடைபெற்ற கூட்டத்தில் கீழ்க்கண்ட அம்சங்கள் தீர்மானிக்கப்பட்டன.
1) ஒப்பந்த தொழிலாளர்களின் தாமதப் படுத்தப்பட்ட பத்து மாத ஊதியத்தை உடனடியாக வழங்கக்
கோரியும்- பிஎஸ்என்எல் நிறுவனத்தில் தொடர்ச்சியாக இரண்டு ஆண்டுகளுக்கு ( ஆண்டுக்கு 240 நாட்கள் பணிபுரியும் பட்சத்தில்) வேலை செய்யும் அனைத்து ஒப்பந்த தொழிலாளர்களையும் நிர்வாகம் நிரந்தரமாக்கிட கோரியும்

* மாவட்ட தலைநகரங்களில் 2020 ஜனவரி 22 ல் கருப்பு சின்னம் அணிந்து ஆர்ப்பாட்டம்.
* தஞ்சாவூரில் 2020 ஜனவரி 29 ல் மாநிலந்தழுவிய தார்ணா போராட்டம்.
2) அடுத்த மாநில மாநாட்டை திருநெல்வேலியில் 2020 மே மாதத்தில் நடத்துவது. இதற்கான வரவேற்புக் குழு ஜனவரி மாத இறுதியில் அமைக்கப்படும்.
நிரந்தர ஊழியர்களுக்கும் , ஒப்பந்த தொழிலாளர்களுக்கும் பல மாத ஊதியம் கிட்டாத நெருக்கடியான சூழலில் - உள்ளாட்சி தேர்தல் வாக்குப்பதிவு நாளான 30/12/2019 அன்று கோவையில் நடைபெற்ற இந்த மாநிலச் செயற்குழு கூட்டம் மிகவும் பயனுள்ளதாக அமைந்தது குறிப்பிடத்தக்கது. இந்த கூட்டம் சிறப்பாக அமைய நிதி திரட்டி ஏற்பாடுகளை செவ்வனே செய்த தலைவர்கள் சுப்பராயன், ராமகிருஷ்ணன், ஜெயச்சந்திரன் மற்றும் எண்ணற்ற தோழர்களுக்கு நமது நெஞ்சார்ந்த நன்றி.

 

+3

BSNL நிர்வாகமும், ஒப்பந்தத்தரும், ஒப்பந்த தொழிலாளர்
பிரச்சனையில் தவறு செய்யும் பட்சத்தில் NFTCL தலையீடும் எச்சரிக்கை. புதுவை மாவட்டத்தில் பல ஆண்டுகளாக ஒப்பந்த பணியாளர்காக பணிபுரிந்து வரும் ஒப்பந்த தொழிலாளர்களை, ஒப்பந்தாரர் TENDER இல் இருந்து விலகுவதாக அறிவிப்பு நோட்டீஸ் கொடுத்தால், உடனடியாக நிர்வாகமும், ஒப்பந்த தொழிலாளர்களை வேலையை விட்டு விட்டுக்கனுப்ப முடியாது. நன்றி விசுவாசம் அற்ற நிர்வாகமே உனக்காகத்தானே ஒப்பந்த தொழிலாளி உழைத்தான், உழைப்பு என்றால் சாதாரண உழைப்புயில்லை. காட்டில், மேட்டில், மழையில், குளிரில்,மற்றும் வெட்ட வெயிலில். BSNL நிர்வாகத்தை 10 மாதம் சம்பளம் இல்லாமல் இன்றும் டாய்லட் சுத்தம் செய்து நறுமணம் குறையில்லாமல் பார்த்து கொள்கிறான். கேபிள் JOINDER என்ற  பெயரில் சாக்கடை ,சங்கடத்தையும் அனுபவிக்கும் ஒப்பந்த தொழிலாளி, எல்லோரும் அலுவலகத்தைய வீட்டுக்கு போனாலும் நான் பார்த்துக்ககொள்வேன் என்கிற காவலாளி (EOI ). 

பாரத் ரத்னா- பாபா சாஹிப் அண்ணல் அம்பேத்கரின் 64 வது நினைவு நாள்- டிசம்பர் 6:

சட்டமேதை டாக்டர் பி.ஆர்.அம்பேத்கரின் நினவு தினத்தை முன்னிட்டு டெய்லர்ஸ் ரோடு BSNL ஊழியர்கள் குடியிருப்பு வளாகத்தில் உள்ள அண்ணல் அம்பேத்கர் அவர்களின் சிலைக்கு வழக்கம் போல NFTE-BSNL மற்றும் NFTCL சம்மேளனங்கள் சார்பில் மாநிலத் தலைவர்கள் M.K.ராமசாமி, V.பாபு‌ ஆகியோர் மாலை அணிவித்து மரியாதை செலுத்துவார்கள். தோழர் சி.கே.எம் , மாமேதை அம்பேத்கரின் மாண்புகள்- ஒடுக்கப்பட்ட மக்களின் நலனுக்காக அவரது செயல்பாடுகள்குறித்து புகழஞ்சலி உரை நிகழ்த்துவார். 06-12-2019 ( வெள்ளி) காலை 9.30 மணிக்கு நமது தோழர்கள் பெருந் திரளாக டெய்லர்ஸ் ரோடு BSNL குடியிருப்பு வளாகத்தில் வருகைதர வேண்டுகிறேன்.‌ நன்றி !
தோழமை அன்புடன்
சி.கே.எம்,
மாநிலச் செயலாளர்
NFTE-BSNL
பொதுச் செயலாளர்
NFTCL.

NFTE-BSNL & NFTCL ஆர்ப்பாட்டம் - டிசம்பர் 04:

சென்னை தொலைபேசி தலைமைப் பொது மேலாளர் அலுவலகத்தில் மாநிலத் தலைவர்கள் ராமசாமி, பாபு ஆகியோரின் கூட்டுத் தலைமையில் எழுச்சிமிகு ஆர்ப்பாட்டம் இன்று மதிய வேளையில் நடைபெற்றது. ஊதியம் வழங்குவதில் பாரபட்சம் கூடாது; மாத ஊதியத்தை தாமதமின்றி வழங்க வேண்டும்; ஒப்பந்த தொழிலாளர்களின் எட்டு மாத சம்பள பாக்கியை உடனடியாக வழங்கவேண்டும் உள்ளிட்ட கோரிக்கைகளை வலியுறுத்தி தோழர்கள் G.மகேந்திரன் , சி.கே.எம் . கோஷங்களை முழங்கினர்.‌தோழர்கள் சபாபதி, தனபால் , இளங்கோவன், உள்ளிட்டோர் விளக்கவுரை நிகழ்த்தினர். தோழர் சி.கே.மதிவாணன் கோரிக்கைகளை விரிவாக விளக்கினார். உயரதிகாரிகளான ITS கேடர் அதிகாரிகள் சங்கம் தங்களின் இரண்டு மாத ஊதியம் தாமதமாவது குறித்து டில்லி உயர்நீதிமன்றத்தில் வழக்கு தொடுத்து பின்னர் நீதிமன்ற அவமதிப்பு வழக்கையும் பிஎஸ்என்எல் நிர்வாகத்திற்கு எதிராக தொடுத்தது. ஆனால் பிஎஸ்என்எல் நிர்வாகத்தையே நடத்தும் ITS அதிகாரிகள் எட்டு மாதங்களாக வழங்கப்படாத ஒப்பந்த தொழிலாளர்களின் ஊதியம் குறித்து சிறிதும் அக்கறை இல்லாமல் இருப்பது படுகேவலம் என தோழர் சி.கே.மதிவாணன் குற்றம் சாட்டினார். அரசு நிறுவனமே ஊழியர்களுக்கு மாத ஊதியம் தராமல் இழுத்தடிக்கும் அநியாயத்தை அவர் கண்டித்தார். இந்த ஆர்ப்பாட்டத்தில் நூற்றுக்கணக்கான நிரந்தர ஊழியர்களும் ஒப்பந்த தொழிலாளர்களும் பங்கேற்றனர்.

ITS அதிகாரிகள் இரண்டு மாதங்களாக பிஎஸ்என்எல் நிறுவனத்தால் வழங்கப்படாத சம்பளத்தை உடனடியாக வழங்கக்கோரி நீதிமன்றத்தை அணுகி, இன்று 5 ஆம் தேதிக்குள் சம்பளப் பட்டுவாடா நடைபெற வேண்டும் என்பதை நீதிமன்றத்தில் உத்தரவாக பெற்றுள்ளனர்.நிரந்தர தொழிலாளர் சங்கங்கள் அனைத்தும் ஒன்றிணைந்து நிரந்தர தொழிலாளிக்கு சம்பள பட்டுவாடா உடனடியாக தரப்பட வேண்டும் என்பதை வலியுறுத்தி இன்று 4 ஆம் தேதி அன்று மதிய உணவு இடை ஆர்ப்பாட்டத்தை நடத்துகின்றனர்.ஆனால் கேட்பாரற்று கிடக்கும் ஒப்பந்தத் தொழிலாளி 10 மாதங்களாக சம்பளத்தை பெறவில்லை இதைப்பற்றி குறைந்தபட்சம் கோரிக்கையை கூட வைக்க எந்த கையாலாகாத சங்கமும் முற்படவில்லை.ஆனால் தொடர்ச்சியாக நமது ஒப்பந்த தொழிலாளர் சலுகைக்காக உரிமைக்காக தொடர்ச்சியாக போராடிக் கொண்டிருக்கும் ஒரே சங்கம் NFTCL.ஒப்பந்த தொழிலாளர்கள் சம்பள பிரச்சினை குறித்து கோரிக்கை வைத்துப் போராட இன்று 04/12/2019 மதியம் ஒரு மணி அளவில் நமது சங்கத்தின் சார்பாக சென்னை CGM அலுவலகம் முன்பு நடத்தப்படும் ஆர்ப்பாட்டத்தை வெற்றிகரமாக்குவோம்.அனைவரும் ஒன்றிணைந்து போராடுவோம். நிரந்தரத் தொழிலாளி வேறு ஒப்பந்தத் தொழிலாளி வேறு என்பதை பாரபட்சமில்லாமல் 2 தொழிலாளி வர்க்கத்திற்கும் போராடக்கூடிய சங்கம் என அணிதிரள்வோம் வாரீர் !!!வாரீர்!!!

            தேசிய தொலைத்தொடர்பு ஒப்பந்த தொழிலாளர் சம்மேளனம்                                     தமிழ்நாடு மாநில சங்கம்                                      பதிவு எண் : 3550/ CNI

--------------------------------------------------------------------------------------------------------------------------------------------
மாநிலச் செயற்குழு கூட்டம்                                               நாள் : 30/12/2019.
இடம் :ஜீவஜோதி ஹால், மைக்கேல் ஸ்கூல் பின்புறம், குட் ஷெட் ரோடு, கோவை-18.

-------------------------------------------------------------------------------------------------------------------------------------------
அருமைத் தோழர்களே !

நமது NFTCL சம்மேளனத்தின் தமிழ்நாடு மாநிலச் சங்கத்தின் செயற்குழு கூட்டம் எதிர்வரும் டிசம்பர் 30 -ந் தேதி (திங்கட்கிழமை ) காலை 10 மணியளவில் கோயமுத்தூரில் நடைபெற உள்ளது. இன்றைய சூழலில் நமது NFTCL சம்மேளனத்தை மேலும் வலுப்படுத்த - விரிவுபடுத்த வேண்டிய கடமை நம்முன் உள்ளது. எனவே அனைத்து மாநிலச் சங்க நிர்வாகிகள், மாவட்டச் செயலாளர்கள் மற்றும் சிறப்பு அழைப்பாளர்கள் தவறாமல் முக்கியமான இந்த கூட்டத்தில் குறித்த நேரத்தில் பங்கேற்க வேண்டுகிறோம்.
-------------------------------------------------------------------------------------------------------------------------------------------
தலைமை : தோழர்.V. பாபு மாநில தலைவர்
முன்னிலை: தோழர் N.இராமகிருஷ்ணன் மாநில செயல் தலைவர்
அஞ்சலி : தோழர் N. அன்பழகன் மாநில துணைத் தலைவர் .‌
வரவேற்புறை: K.ஜெயச்சந்திரன் மாவட்ட செயலாளர் -கோவை
அறிமுக உரை : தோழர் S.ஆனந்தன் மாநிலச் செயலாளர். துவக்க உரை: தோழர் L. சுப்பராயன். அகில இந்திய உதவிப் பொதுச் செயலாளர்
**********************
சிறப்புரை : தோழர் C.K. மதிவாணன் சம்மேளன பொதுச் செயலாளர்.
**********************
ஆய்படுபொருள் :
----------------------------
(1) செயல்பாட்டு அறிக்கை.
(2) சம்பள பிரச்சனை
(3) ஆட்குறைப்பு ஆளெடுப்பு
(4) நிதிநிலை அறிக்கை
(5) மாநில மாநாடு
(6) செயற்குழு தீர்மானங்கள் . (7) பிஎஸ்என்எல் நிறுவனத்தின் புத்தாக்க திட்டம்- நமது அணுகுமுறை.
இன்ன பிற தலைவர் அனுமதியுடன் ...
**********************
நன்றியுரை : தோழர் E.சம்பத் மாநில பொருளாளர் .
**********************
கோயம்புத்தூர் வருவதற்கான பயணத்திற்கு இப்போதே முன்பதிவு செய்து கொள்ள வேண்டுகிறேன்.
தோழமையுடன்
S.ஆனந்தன்
மாநிலச் செயலாளர்
தமிழ்நாடு மாநில சங்கம்

நன்றி மறப்பது நன்றன்று நன்றல்லது அன்றே மறப்பது நன்று ...ஏற்றிவிட்ட ஏணியை எட்டி தள்ள நினைக்கலாமா ? கூட்டி வைத்து ஓட்டு வாங்கி தனிக்குடித்தன கூட்டாஞ்சோறு ஆக்கலாமா ? ஓட்டு வாங்க C.சிங்,பொதுச் செயலாளர் C.K.மதிவாணன் மூத்த அகில இந்திய துணைத் தலைவர் வேண்டும்.ஓட்டு வாங்கிய பின்னர் ஏன் ஏறினாய் முருங்கைமரம் மீண்டும்.

ஒரு ஓட்டு கூட உன் சங்கத்திற்கு வாங்கி கொடுக்க முடியாதவர்கள் பெயர் எல்லாம் பட்டியலே இருக்கிறது. ஓட்டு கேட்டு ஓடோடி வந்த தோழன் பெயரை நீக்கிவிட்டு நடத்துவதாக வெற்றிவிழா .தலைவன் கட்டளையிட்டு இருந்தால் தமிழகமே மட்டையாகி ஆகியிருக்கும்.சொல்லிப் பார்த்தோம் நாய் வாலை நிமிர்த்த முடியாது என்று, அது நாய்வால் அப்படித்தான் இருக்கும் என்று எங்களுக்கு அறிவுரை சொன்னார். கடந்தகால வரலாற்றை மட்டும் எழுதத் தெரிந்த உங்களுக்கு நிகழ்கால தொழிற்சங்க நடைமுறைகளை பற்றி எழுத தெரியவில்லை.ஏனென்றால் தொழிற்சங்கம் உங்களோடு இல்லை. உங்களை நம்பி இருந்த தொழிலாளர்கள் உங்களிடம் இல்லை.பேருக்கு சங்கம் நடத்தி ஒவ்வொரு ஊருக்கும் உங்கள் கோஷ்டி கூட்டமே நடந்தேறி வருகிறது.அதில் இது ஒரு விழா .ஒப்பந்த தொழிலாளர் சங்கத்தின் இருவேறு பிரிவுகள் இருப்பது தெரிந்தும் இன்றும் மாநில சங்கம் ஒரு நிலைப்பாட்டினை எடுத்து வருகிறது என்றாள் ஏன் இந்தக் கூட்டத்தில் நமது சங்க தோழர்கள் கலந்துகொண்டு வேண்டும் என்ற வினா எழுகிறது ? எப்படியும் விருப்ப ஓய்வு திட்டத்திற்குப் பின் தமிழ்நாடும் சென்னையும் இணைக்கப் போகிறார்கள் என்பதை யாரும் தவிர்க்க முடியாது.விதி வலியது யாரும் வெல்ல முடியாதுநாளை நமதே!!! எந்த நாளும் நமதே !!!தோழமையுடன்S.ஆனந்தன் மாநிலச் செயலாளர்தேசிய தொலைத்தொடர்பு ஒப்பந்த தொழிலாளர் சம்மேளனம்-தமிழ்நாடு.

அருமை அருமை பட்டுக்கோட்டையார் வரிகள் என்றும் தொழிலாளர் வர்க்கத்திற்கு ஏற்ற வரிகளாக அமையும் என்பதில் எடுத்துகாட்டு இதோ இந்த பாடல் வரிகளில் ஒப்பந்த தொழிலாளர்களே சிந்திக்க வேண்டிய விஷயம் உங்களிடத்தில், போன மாதமே வேலையில் விட்டு போ என்ற அதிகாரிகள் உங்களை இதுவரையில் வேலைக்கு வைத்து இருக்க செய்த ஒரே சங்கம் தேசிய தொலை தொடர்பு ஒப்பந்த தொழிலாளர் சம்மெளனம்(NFTCL ) இனியும் வேலைதான் முக்கியம் என்று பயத்தில் இருந்தால் உங்களை காப்பாற்ற எந்த சங்கத்தாலும் முடியாது 

சும்மா கிடந்த நிலத்தை கொத்தி
சோம்பல் இல்லாம ஏர் நடத்தி
கம்மா கரையை ஒசத்தி கட்டி
கரும்பு கொல்லையில் வாய்க்கால் வெட்டி
சம்பா பயிரை பறிச்சு நட்டு
தகுந்த முறையில் தண்ணீர் விட்டு
நெல்லு விளஞ்சிருக்கு வரப்பும் உள்ள மறஞ்சிருக்கு
நெல்லு விளஞ்சிருக்கு வரப்பும் உள்ள மறஞ்சிருக்கு

அட காடு விளஞ்சென்ன மச்சான்
நமக்கு கையும் காலும் தானே மிச்சம்
கையும் காலும் தானே மிச்சம்
காடு விளஞ்சென்ன மச்சான்
நமக்கு கையும் காலுந்தானே மிச்சம்
கையும் காலுந்தானே மிச்சம்
இப்போ காடு விளையட்டும் பொண்ணே
நமக்கு காலமிருக்குது பின்னே
காலமிருக்குது பின்னே
காடு விளையட்டும் பொண்ணே
நமக்கு காலமிருக்குது பின்னே
காலமிருக்குது பின்னே

மண்ணை பொளந்து சொரங்கம் வச்சு
பொன்னை எடுக்க கனிகள் வெட்டி
மதிலு வச்சு மாளிகை கட்டி
கடலில் மூழ்கி முத்தை எடுக்கும்
வழிகாட்டி மரமான தொழிலாளர் வாழ்க்கையிலே
பட்ட துயரினி மாறும் -
ரொம்ப கிட்ட நெருங்குது நேரம்

அட காடு விளஞ்சென்ன மச்சான்
நமக்கு கையும் காலுந்தானே மிச்சம்
கையும் காலுந்தானே மிச்சம்
காடு விளயட்டும் பொண்ணே
நமக்கு காலம் இருக்குது பின்னே
நமக்கு காலம் இருக்குது பின்னே

மாடா உழைச்சவன் வாழ்க்கையிலே -
பசி வந்திடக்காரணம் என்ன மச்சான்
அவன் தேடிய செல்வங்கள் வேறு இடத்திலே
சேர்வதினால் வரும் தொல்லையடி

பஞ்ச பரம்பரை வாழ்வதற்கே இனி
பண்ண வேண்டியது என்ன மச்சான்
தினம் கஞ்சி கஞ்சி என்றால் பானை நிறையாது
சிந்திச்சு முன்னேற வேணுமடி

வாடிக்கையாய் வரும் துன்பங்களை
இன்னும் நீடிக்கச் செய்வது மோசமன்றோ
இருள் மூடிக் கிடந்த மனமும் வெளுத்தது
சேரிக்கும் இன்பம் திரும்புமடி - இனி
சேரிக்கும் இன்பம் திரும்புமடி

நல்லவர் ஒன்றாய் இணைந்துவிட்டால்
மீதம் உள்ளவரின் நிலை என்ன மச்சான்
நாளை வருவதை எண்ணி எண்ணி
அவர் நாழிக்கு நாழி தெளிவாரடி

அட காடு விளஞ்சென்ன மச்சான்
நமக்கு கையும் காலுந்தானே மிச்சம்
கையும் காலுந்தானே மிச்சம்
நானே போடப்போறேன் சட்டம்
பொதுவில் நன்மை புரிந்திடும் திட்டம்
நாடு நலம் பெறும் திட்டம்
நன்மை புரிந்திடும் திட்டம்
நாடு நலம் பெறும் திட்டம்

படம்: நாடோடி மன்னன்
இசை: S.M.சுப்பையா நாயுடு
பாடலாசிரியர்: பட்டுக்கோட்டை கல்யாணசுந்தரம்
பாடியவர்கள்: T.M.சௌந்தரராஜன் & பானுமதி

உற்சாகம் இல்லாத தீபாவளி ..
பிஎஸ்என்எல்-ல் பணிபுரியும் ஒப்பந்த தொழிலாளர்களுக்கு கடந்த ஒன்பது மாதங்களாக சம்பளம் வழங்காமல் இழுத்தடிக்கும் நிர்வாகம் இந்த தீபாவளியை அவர்கள் வாழ்வில் கருப்பு தீபாவளியாக ஆகிவிட்டது.9 மாத காலமாக சம்பளம் தராவிட்டாலும் தங்கு தடையின்றி தங்களது பணிகளை செம்மையாக வருத்தத்தோடு செய்தாலும் நிறுவன வளர்ச்சியில் தங்கள் பங்கை செலுத்திக் கொண்டே தான் வருகின்றனர் என்பது வேதனைக்குரிய விஷயம். இதனைக் கண்டித்து நமது சங்கத்தின் மூலமாக பல்வேறு கட்ட சட்ட நடவடிக்கைகளையும் போராட்டங்களையும் சலிக்காது செய்து கொண்டேதான் இருக்கிறோம். இருப்பினும் கைக்கு எட்டியது வாய்க்கு எட்டவில்லை என்ற நிலைதான். இந்த சட்டப் போராட்டங்களுக்கு வலு சேர்க்கும் விதத்தில் தொழிலாளர் நலத்துறை துறை ஆணையரும்(CLC- புதுடெல்லி ) அவர்களை சந்தித்து புகார் மனு கொடுத்த நமது பொதுச்செயலாளரும் பல்வேறு வழிகளின் மூலமாக முயற்சி மேற்கொண்டு வருகிறார் ,தொழிலாளர் நலத்துறை துணை ஆணையர் (Dy.CLC)அவர்களிடம் புகார் கொடுத்த நமது மாநில சங்கம் என்ற நீண்ட பட்டியலில் . உதவியாக அந்த வழக்கை விசாரித்த நமது தொழிலாளர் நலத்துறை மண்டல ஆணையர் (RLC) அவர்கள் தலையீட்டின் பெயரால் தீபாவளிக்குள் மூன்று மாத சம்பளம் உடனடியாக பட்டுவாடா செய்யப்படும் என்பதை உறுதியாக நமது சங்கம் நம்பியிருந்தது. ஆனால் கருங்காலிகள் யாரோ கார்ப்பரேட் அலுவலகத்தில், ஒரு மாநிலத்திற்கு இதுபோன்று நீங்கள் செய்து விட்டால் மற்ற மாநிலங்களிலும் இதுபோன்ற வழக்குகளை நீங்கள் சந்திக்க நேரிடும் ஆகையால் தமிழ்நாட்டிற்கும் சென்னைக்கு மட்டும் 3 மாத சம்பளப் பட்டுவாடா நடைபெற கூடாது என்று நடக்கவிருந்த சம்பள பட்டுவாடாவை நிறுத்தி வைத்ததாக தகவல்கள் கசிகின்றன. அதைப்பற்றி நமது மாநில சங்கம் எந்தவிதத்திலும் கவலையடைய போவதில்லை நமது முயற்சிகளை தொடர்ச்சியாக நம்பிக்கையோடு சந்திப்போம். நம்பிக்கை வீண்போகாது வருகின்ற 13 ஆம் தேதி அடுத்தகட்டமாக இந்த வழக்கு விசாரணைக்கு வருவதற்குள் ஒரு நல்ல முடிவு ஒப்பந்த ஊழியர்களின் சம்பள பிரச்சனையில் ஏற்படும் என்பதில் சிறிதளவும் ஐயமில்லை. இதற்கிடையில் நிரந்தர ஊழியர்களை VRS என்ற பெயரில் வீட்டுக்கு அனுப்ப நிர்வாகம் திட்டம் தீட்டி அதற்குண்டான ஏற்பாடுகளை முழுவீச்சில் செயல்படுத்திக் கொண்டு வருகிறது.ஒப்பந்த ஊழியர்களை ஒருபுறம் வீட்டுக்கு அனுப்ப வேண்டும் என்று கூறும் அதே நிர்வாகம் தான் நிரந்தர ஊழியர்களை வீட்டுக்கு அனுப்ப வேண்டும் என்று பல திட்டங்களைத் தீட்டி, இந்த நிறுவனத்தில் பணியாற்றும் ஊழியர்களுக்கு வீட்டுக்கு அனுப்பி வைத்துவிட்டு, Land Line இணைப்புகளை பராமரிக்க ஆள் இல்லை என்று கூறி இந்த நிறுவனத்தை முடக்கி தனியாருக்கு கைமாற்றி விட கச்சைகட்டி கொண்டிருக்கிறது என்பது தகவல். ஊழியர்களுக்கு ஆசை காட்டி மோசம் செய்ய ,வேஷம் போடும் மோடி அரசாங்கம்,தனியார் நிறுவனங்களுக்கு BSNL தாரை வார்த்து அதன் சொத்துக்களை அபகரிக்க திட்டமிட்டுள்ளது. வருங்கால சந்ததியினருக்கு இந்த நிறுவனத்தில் பணியாற்றுவது என்பது மிகப்பெரிய சவாலாக தான் இருக்கும் என்பதில் ஐயமில்லை.VRS கொடுத்ததற்கு பின் அந்த காலியிடங்களுக்கு மாற்றாக ஒப்பந்த ஊழியர்களை வைத்து தான் இந்த நிறுவனத்தையே நடத்த வேண்டும் என்ற நிலை கூடிய விரைவில் நம் முன்னே நடக்கவிருக்கிறது .பொருத்தது பொருத்தம் பொங்கி எழ வேண்டிய இடத்தில் எழுவோம்.மனிதாபிமானத்தோடு நமது அதிகாரிகளும் ஊழியர்களும் அவர்களால் இயன்ற உதவிகளை அனைத்து அலுவலகங்களில் செய்திருப்பதாக தகவல் வந்து கொண்டிருக்கின்றன.தந்த பொருள் சிறிதானாலும் தருகின்ற மனங்களை வாழ்த்துவோம்.என்னோடு பணிபுரியும் சக தொழிலாளியான, என் ஒப்பந்த தொழிலாளி தோழன் நாளை தீபாவளி கொண்டாடாமல் இருக்கக் கூடாது என்று கரிசனத்தோடு தங்களால் இயன்ற உதவிகளை நல்கிய அனைத்து நல் உள்ளங்களுக்கும் நன்றிகளும் பாராட்டுகளும் தெரிவித்துக்கொண்டு
நாளை நமதே!!
எந்த நாளும் நமதே!!! மிகப்பெரிய வேதனையோடு போராடிக்கொண்டே இருக்கிறாய் என்றால் மிகப்பெரிய சாதனையை செய்யப்போகிறாய் என்று கூறுவார்கள் அதுபோல இன்றைய துக்கம் நாளை கண்டிப்பாக சந்தோசமாய் மாறும் ...நம்பிக்கையோடு பயணிப்போம் .
தோழமையுடன்
எஸ் ஆனந்தன் மாநிலச்செயலாளர்
தேசிய தொலைத்தொடர்பு ஒப்பந்த தொழிலாளர் சம்மேளனம்- தமிழ்நாடு .